Christopher Holden, një anëtar i Shoqatës Mjekësore Palestineze të Australisë dhe Zelandës së Re, thotë se një sasi e madhe ndihme mjekësore nevojitet ende brenda Rripit të Gazës dhe se mjekët po përpiqen të trajtojnë pacientët me mungesë mjetesh dhe medikamentesh.
“Ajo që shoh është një fëmijë që nuk ka mundësinë të ketë një inhalator, një tjetër fëmijë që nuk ka akses në insulinë pasi është diagnostikuar me diabet. Unë shoh njerëz që nuk kanë mundësi të marrin rregullisht barnat kundër epilepsisë. Shoh njerëz me plagë për të cilat nuk mund të gjej antibiotikun e duhur. Çfarë na duhet? Përgjigja më e shpejtë do të ishte, çfarë nuk na nevojitet? Ne kemi nevojë për gjithçka”, tha ai.
