U rrafshua gjatë natës, prifti bekon rindërtimi e kishës ortodokse të "Shën Thanasit" (FOTO)

Në fshatin Vuno, pranë Dhërmiut u mbajt sot ceremonia e bekimit të punimeve për rindërtimin e Kishës së Shën Thanasit.

Ashtu siç edhe ishte paralajmëruar nga Ministria e Kulturës dhe Instituti i Monumenteve të Kulturës pak kohë më parë, sot ka filluar puna për rindërtimin e Kishës së Shën Thanasit brenda Qendrës Historike të Dhërmiut. E pranishme ishte edhe Ministrja e Kulturës, Mirela Kumbaro.

Rindërtimi i Kishës së Shën Thanasit brenda Qendrës Historike të Dhërmiut është miratuar nga Ministria e Kulturës dhe Instituti i Monumenteve të Kulturës që në muajin nëntor 2017.

Kisha e Shën Thanasit në vitin 2015 shkaktoi debate mes qeverisë, e cila e cilësonte si një ndërtim pa leje dhe besimtarëve orthodoksë të Dhërmiut.

Por pas në më pak se 3 vite më pas duket se ka nisur rindërtimi i saj. Kisha e re është ende në themelet e para të ndërtesës, por po ngrihet në të njëjtin vend ku ndodhej e para.

Në vitin 2015 pas shumë debatesh të tejzgjatura, kisha u shemb gjatë natës për të evidentuar ndonjë konfrontim me banorët e zonës, por vetëm një vit më parë Ministrja Kumbaro premtoi rindërtimin e Kishës së Shën Thanasit punimet për të cilën kanë nisur tashmë.