Zbulohet identiteti i gazetarit i cili një ditë më parë u qëllua me sende të forta në kryeqytet. Ai është Genci Angjellari, gazetar i emisionit investigativ “Stop”.
Policia njoftoi sot se Angjellari është dhunuar gjatë kohës që ishte në detyrë, nga një grua me inicialet M.T. Ngjarja ka ndodhur një ditë më parë në fshatin Stermas. Gazetari po punonte për një temë të ngarkuar nga redaksia.
Angjellari mësohet se do ta denoncojë rastin gjatë emisionit, ditën e hënë.
Njoftimi i policisë:
Më datë 06.07.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetases M.T, vjeç 42, banuese në Tiranë, pasi dyshohet se në fshatin Stermas, për shkak të detyrës si gazetar investigativ, ka goditur me sende të forta shtetasin G.A, vjeç 33 banues në Tiranë. Nenet 237 dhe 285/b të Kodit Penal. (D.D/Shuplaka)
Discussion about this post