Është zbardhur identiteti i aktivistit që u dhunua nga katër persona ditën e djeshme në Kavajë. Ai është identifikuar si Alban Tafa, banues në Luz i Vogël, Kavajë.
Një ditë më parë ai denoncoi në polici se ishte dhunuar nga katër persona për shkak të bindjeve të tij politike. Më parë mbështetës i Lëvizjes Socialiste për Integrim, Alban Tafa që punon si kasap në Kavajë, së fundmi ka zgjedhur t’i bashkohet Partisë Socialiste.
Tre prej katër personave, që thuhet se janë aktivistë të Partisë Demokratike, u vunë në pranga, ndërkohë që i katërti është shpallur në kërkim. U krye dje arrestimi i shtetasve: Zaim Borakaj, 31 vjeç, banues në Kavajë, i dënuar më parë. Brikel Xhihani, 30 vjeç, banues në Kavajë,Aurel Xhani, 43 vjeç, banues në Kavajë, ndërsa u shpall në kërkim shtetasi G. K., 37 vjeç, banues në Kavajë.
Ky është rasti i dytë i shënuar pas atij në Zharrëz të Fierit, ku një maturant mbështetës i LSI-së u dhunua nga një militant i PS-së. Rasti i tij u denoncua fillimisht nga kreu i LSI-së, Petrit Vasili.
(XH.A/SHUPLAKA)
