Biznesmenia nga Lazarati Lavdie Buzheri, 68-vjeçe nga Lazarati e cila u dhunua nga Alfons Buzheri, 35 vjeç nipi i burrit të saj ka folur për Fax News ku ka shpjeguar çfarë ndodhi në biznesin e saj.
Buzheri tha se ka bërë të gjitha kontrollet shëndetësore në spital ndërsa ndjen dhimbje në gjithë trupin nga dhuna që është ushtruar ndaj saj. 68-vjeçarja sqaron se alfons Buzheri ka tentuar të shiste malla nga bsinesi i saj, një fabrike e prodhimit të rrjetave të telit, dhe në momentin kur ajo ka kundërshtuar edhe është dhunuar.
“Mjekët më kanë bërë mjekimet, të gjitha, skopi, skanër, po vazhdoj te këm dhimbje në gjithë trupin. Jam 68-vjeçe. Po ngarkohej një makinë, shkova dhe filmova thashë mos ngarkoni se është pronë e imja. Kam një fabrikë që prodhon rrjeta teli, punoj si administratore aty. Është puna ime dhe flitet gjithçka në emrin tim. Unë jam dhunuar dje nga ora 10:30. Pashë makinën atje, më futën brenda bëra foto i thashë tregtarit ça po bën, shkarkoi por nuk më dëgjoi. I thashë edhe atij punëtorit mos shit malla pa lejen time. U futëm në një lokal dhe ato nisi të më godas, autorin e njoh se është nip i burrit”, tha biznesmenia.
(F.GJ/FAXWEB.AL)
