Diego Armando Maradona ka qenë shumë aktiv gjatë ndeshjes së djeshme mes Argjentinës dhe Nigerisë, ku skuadrës së tij i duhek me patjetër fitorja për ti shpëtuar turpit.
Legjenda e futbollit argjentinas është shoqëruar në spital mbremjen që lamë pas ,pasi ka patur vështirësi në ecje gjatë daljes nga stadiumi. Ai është dërguar në spital nga stafi mjekësor i stadiumit.
Ditën e sotme ai ka reaguar nëpërmjet një postimi ku shrkuan për gjendjen e tij shëndetësore, duke thënë se është mirë me shëndet. Legjenda e futbollit ka thënë se nuk ndodhet në spital dhe se as më herët nuk është shtruar.
Postimi i plotë:
“Dua t’ju them se jam mirë, se nuk jam në spital e as nuk jam shtruar më herët”, ka shkruar ai në llogarinë e tij në rrjetet sociale.
Maradona shtoi se nuk ka dashur ta dëgjojë rekomandimin e doktorit në mënyrë që të ishte dëshmitar i kualifikimit të Argjentinës në mesin e 16 skuadrave më të mira.
“Më kontrolloi doktori dhe më rekomandoi të shkoja në shtëpi pas pjesës së parë, por doja të qëndroja sepse po rrezikonim. Si të largohesha? Puthje për të gjithë, faleminderit për përkrahjen!”
Kujtojmë se fitorja e ka dërguar Argjentinën në 1/8 ku do të takohet me Francën.
(E.V/Faxweb.al)
Discussion about this post