Besim Trezhnjeva nuk do të jetë më gjyqtar pas vettingut, sipas Komisionit të Pavarur të Kualifikimit.
Shkak për shkarkimin e tij është bërë mungesa e burimit të të ardhurave të tij. Por avokati i Trezhenjevës ka deklaruar se ky vendim është i padrejtë dhe do apelohet.
“Gjëja më minimale që mund të bëjmë është të apelojmë këtë vendim që na u duk i padrejtë. Hetim të thelluar administrativ nuk kishte.
Të pranonin kërkesën për ekspertim që bëmë. Ka 4 sqarime që bën ILDKP, ka një vlerësim të fundit të komisionit që thotë se ka diferenca, ka edhe një ekspertim nga ekspertë kontabël ku shifrat janë diametralisht të kundërta.
Nuk pranuan ekspertimin. Vendimi na u duk i parregullt, i padrejtë. Këto janë precedentë për gjyqtarë të tjerë, do kenë pasoja”, deklaroi avokati Braka.
(E.K/FAXWEB.AL)
