U shkarkua sot nga Rama, por kush është zv/ministri që u përplas me Tahirin

Kryeministri Rama ka firmosur ditën e sotme shkarkimin e zv/ministrit të Brendshëm Ilir Marko

Marko u emërua në këtë post më 20 janar 2016, në kohën kur ky institucion drejtohej nga Saimir Tahiri. Marko zëvendësoi në detyrë Ilir Mustafarajn, pasi ky i fundit mbushi moshën e pensionit.

 Emri i Ilir Markos u lakua si një nga personat e dyshuar për përgjimin e ish-ministrit Tahiri. Në atë kohë, Ministria e Brendshme dorëzoi një kallëzim penal pranë Prokurorisë së Tiranës, ku pretendonte se personi i dyshuar për vendosjen e pajisjes së përgjimit brenda zyrës së ministrit Tahiri, ishte punonjës i institucionit.

Në reagim ndaj këtyre akuzave, Marko i dërgoi një SMS Tahirit duke i thënë se atë e kishin përgjuar ndërkombëtarët.

Ndërkohë ende nuk ka një emër për zëvendësimin e tij, Marko vinte nga radhët e LSI-së.

(S.SH/Shuplaka)