Prej të premtes me një urdhër të Task-Forcës, kryesuar nga zëvendës kryeministrja Ledina Manidja, Majlind Lazimi nuk është më drejtori i Postës Shqiptare.
Mirëpo Lazimi nuk e ka lënë me kaq. Ditën e sotme ai pritet të japë një deklaratë për mediat përpara Prokurorisë së Përgjithshme.
Edhe të premten në një deklaratë pas shkarkimit ai e cilësoi si një sulm të ndikuar nga qëndrime politike të personave që urdhëruan shkarkimin e tij. Ende nuk dihet nëse Lazimi do të denoncojë pranë autortiteteve shkarkimin e tij.
“Sapo u njoftova nga mediat për një lajm të çuditshëm për lirimin tim nga pozicioni i Drejtorit të Përgjithshëm të Postës Shqiptare. Shkarkimi im është i paligjshëm dhe vetëm për arsye politike. Shkarkimi im është hakmarrje politike. Nuk ka asnjë provë ligjore për këtë akuzë. Është një akt dëshpërimi. Asnjë presion nuk është bërë ndaj asnjë punonjësi të Postës Shqiptare”, tha pas shkarkimit të premten Lazimi.
Duhet thënë se ditët e fundit ka pasur një numër të lartë shkarkimesh në administratë, nën akuzën e përfshirjes së tyre në fushatë. (E.K/SHUPLAKA)
Discussion about this post