Kryebashkiaku i Prrenjasit Nuri Belba kareaguar pas denoncimit të ish-kryebashkiakes Miranda Rira se ka shkarkuar nga puna 40 punonjës.
Sipas Belbës, arsyeja e largimit është bërë për shkak të struktrës, e cila sipas tij ishte jo në funksion të përmbushjes dhe kryerjes së punëve dhe shërbimeve, por ishte një strukturë e sajuar nga ish-kryetarja si mundësi për të rregulluar të afërmit dhe farefisin e saj.
Por në postimin e tij në rrjetet sociale, Belba gjithashtu shkuan se ish-kryebashkiakia e LSI-së Miranda Rira po pret premtimin e Presidentit Meta që të shpallë dekretin për zgjedhje të parakohshme.
“Në pritje të premtimit të Presidentit për shpalljen e ndonjë dekreti për zgjedhje të parakohëshme ish-kryetarja e Bashkise Prrenjas përfaqësuesja e LSI,këtë herë ka dalë në mbrojtje të “farefisit” të saj të punësuar në Bashki pa asnjë kriter e të pabazuar në ligj, por me moton “kap ça të del para”.
Të nderuar banorë nuk dua të perzihemi dhe të biem në llumin dhe mllefin që ka rënë kjo ish-pseudodrejtuese,por në respekt të detyrimit që kam ndaj jush dua t’iu bëj me dije sa më poshtë:
Nuk ka asnjë gjurmim apo selektim nga ana jonë për qëllime të bindjes politike ose synim për të përzënë kushërinjtë e ish-kryetares pasi ka shumë punonjës që edhe pse kanë qenë ish-kandidatë në zgjedhje të kaluara si përfaqësues të partive kundërshtare,sot janë në punë në Bashki madje edhe në sektor të kontrollit,ashtu sic janë edhe nipër dhe mbesa të ish-kryetares,por ama që kanë një vend të justifikuar me punë.
Arsyeja e largimit nga puna e disa personave është për arsye te strukturës.
Struktura e gjetur në Bashki ishte jo në funksion të përmbushjes dhe kryerjes së punëve dhe shërbimeve,por ishte një strukturë e sajuar nga ish-kryetarja si mundësi për të rregulluar të afërmit dhe farefisin e saj.
Të gjendur në këtë situatë hartuam strukturën e re dhe sipas ligjit zbatuam të gjithë hapat për t’i sqaruar të gjithë ata që nga struktura e re u mbyllej vendi i punës.
Miranda po të bëjmë me dije se do të largohen të gjithë ata punonjës parazitë të cilët për katër vite nuk kanë bërë asnjë punë,por janë mjaftuar me shërbimin e bërë vetëm ndaj interesave të tua.”- shkruan Belba.
Discussion about this post