Një nga ngjarjet më të dyshimta ku është përfshirë Policia e Shtetit është padyshim edhe ajo në Elbasan, ku mjeti i Policisë u godit nga një audi. Pas shkrirjes së këtij komisariati ish-drejtesve iu është gjetur sërish punë.
Kështu, Gjergj Oshafi që mbante postin e Zëvendës Drejtorit i Policisë Elbasan, automjeti i të cilit u godit nga Audi i blinduar në pronësi të biznesmenit Petrit Çela, në hyrje të tregut agro-ushqimor në Elbasan, është emëruar Specialist në Sektorin e Narkotikëve në Tiranë, shkruan ”Gsh”.
Kujtim Muça, mbante postin e shefit të Rendit në Elbasan, është emëruar shef i Drejtorisë së Kufirit në Dibër.
Arben Dashi, ish-drejtor i Policisë në Elbasan, transferohet në Drejtorinë e Përgjithshme të Policisë dhe emërohet drejtor i Analizës dhe Informacionit Kriminal.
Në 19 tetor të 2017-ës, Drejtori i Përgjithshë i Policisë së Shtetit Haki Çako, firmosi shkrirjen e Drejtorisë së Policisë së Elbasanit dhe komandimin në krye të saj të zëvendësit të tij, Altin Qato.
Largimet erdhën pas incidentit të 18 shtatorit, ku u godit automjeti i zv/drejtorit të policisë së Elbasanit, Gjergji Oshafi nga një “Audi” i blinduar. Policët u akuzuan për mosreagimin e tyre.
(E.K/Faxweb)
Discussion about this post