Darvin Zalla është një nga të rinjtë që u shoqëruan dje, pas goditjes që iu bë me vezë kreut të Bashkisë së Tiranës Erion Veliaj.
Pas lirimit të tij nga Policia, ai tregon për Fax News se të rinjtë e FRPD-së do të vijojnë aksionin e tyre opozitar derisa tia nxijnë jetën Erion Veliajt.
Zalla tregon se në momentet e shoqërimit atij nuk i është treguar shkaku, dhe vetëm pas mbërritjes në komisariat të Belind Këlliçit, avokatit dhe deputetëve të PD-së, ai është liruar.
Rrëfimi për Fax News:
Arsyen se pse më shoqëruan ma thanë vetëm në komisariat. Në shtëpi kur erdhën më thanë se kishin marrë urdhër nga lart, shkuan dhe më kërkuan te shtëpia e vjehrrit, unë kam qenë në kafe, unë kam shkuar dhe po i kërkoja.
Më thanë vetëm që do jepja një deklaratë, ika me makinën time, nuk pranova që të shkoja me makinën e ‘Erion Veliajt’.
Më thanë që kam qenë aty kur Erion Veliaj ka goditur me vezë, po i thashë unë që kam qenë aty duke filmuar. Unë kam ndërhyrë për të ndarë njerëzit që u paguan nga Veliaj që ta mbronin.
Më thanë do presësh pak, jam mbajtur për katër orë, erdhi një moment që erdhi Belind Këlliçi, bashkë me avokatin dhe djemtë dhe deputetët e PD-së, vetëm aty lëvizën pak gjërat.
Qëllimi i atyre ishte të më mbanin 12 orë në komisariat, unë nuk kam kryer asnjë vepër penale, unë jam shoqëru në orën 8 e 10 të mbrëmjes, ndërkohë që ngjarja kishte ndodhur që paradite.
Kjo është një hakmarrje politike nga Erion Veliaj dhe Fatmir Xhafaj. Ne do ja nxijmë jetën Erion Veliajt sa të jetë në krye të Bashkisë së Tiranës.
Unë vetë nuk kam gjuajtur me vezë, po do kisha qenë krenar nëse do e kisha bërë. Gjuajta me vezë nuk përbën vepër penale.
(E.K/FAXWEB.AL)
Discussion about this post