Ish-presidentit Donald Trump i është ndaluar hyrja në 40 vende për shkak të shpalljes së tij fajtor për 34 akuzat e ngritura ndaj tij. Me shpalljen fajtor për 34 akuza për republikanin e pasur, kandidat për president të SHBA-së, lista e vendeve që ai mund të vizitojë në të ardhmen po zvogëlohet ndjeshëm. Shumë vende i ndalojnë personat me precedentë kriminalë të kalojnë kufijtë. Edhe në vendet fqinje të SHBA-së, Kanadasë dhe Meksikës, ky ndalim është në fuqi. Ky fakt e bën Trumpin një “të burgosur” në kontinentin amerikan, theksojnë mediat e huaja.
Kjo do të thotë se disa liri që Trump i gëzonte dikur mund të ndikojnë seriozisht në aftësinë e tij për të kryer detyrat e tij si president – nëse ai rizgjedhet në nëntor – duke përfshirë udhëtimin e tij jashtë vendit. Megjithatë, sipas gazetës Independent, mbetet e paqartë nëse ai do të lejohet të bëjë vizita shtetërore në rast se fiton presidentin aktual demokrat amerikan, Joe Biden, në zgjedhjet e nëntorit.
Presidenti i 45-të i Shteteve të Bashkuara u shpall fajtor të enjten e kaluar për të 34 akuzat në gjyqin e tij penal në çështjen e profilit të lartë që përfshinte paratë që ai i dha para zgjedhjeve të 2016 ish-yllit porno Stormy Daniels, me të cilin kishte një marrëdhënie jashtëmartesore. Trump e korruptoi për të blerë heshtjen e saj.
Gazeta Bild liston vendet që Trump nuk mund t’i vizitojë tani që ka një precedent penal: Argjentina, Australia, Egjipti, Etiopia, Brazili, Kili, Kina, Republika Dominikane, Britania e Madhe, Hong Kongu, India, Indonezia, Irani, Irlanda, Izraeli, Japonia, Kamboxhia, Kanadaja, Kenia, Kuba, Malajzia, Macau, Nepali, Zelanda e Re, Peruja, Filipinet, Singapori, Afrika e Jugut, Koreja e Jugut, Tajvani, Tanzania, Tunizia, Turqia, Ukraina dhe Emiratet e Bashkuara Arabe.
Discussion about this post