Një tjetër incident është shënuar sot, këtë radhë në qytetin e Lushnjës. Rreth orës 15:30 ka shpërthyer një bombol gazi në një apartament në këtë qytet.
Mësohet se bombola ishte e vendosur në e improvizuar në ballkonin e shtëpisë, në kat të katërt. Mirëpo në një moment ka marrë flakë dhe ka shpërthyer.
Për fat të mirë banorët e shtëpisë kanë dalë jashtë në momentin që ka ndodhur shpërthimi dhe nuk janë lënduar.
Ndërkohë në vendngjarje kanë mbërritur forcat e policisë të cilat kanë nisur hetimet për të zbardhur detajet e mëtejshme të ngjarjes.
Kujtojmë se më herët një shpërthim ndodhi në një resort në Velipojë, nga i cili mbetën të lënduar 3 persona. Fillimisht u tha se kishte shpërthyer një bombol gazi, por më pas ekspertët e mohuan një gjë të tillë. Ndërkohë hetimet vazhdojnë ende. (D.D/Shuplaka)
Discussion about this post