U shtyp nga treni në një aksident në Zvicër, babai përlot me dedikimin që i bën 17- vjeçarit shqiptar

Një 17-vjeçar shqiptar nga Kosova ka humbur jetën në Zvicër, pasi u përplas nga një tren.

Personi i identifikuar nga autoritetet vendase si Rinor Bunjaku, me origjinë nga Gjilani i Kosovës u gjet i vdekur në shinat e trenit në Oberglatt të Zyrihut.

Ende nuk janë zbardhur rrethanat si ka ndodhur aksidenti, përveç faktit se 17 vjeçari ka humbur jetën nga përplasja me trenin, ndërkohë familjarët duket se janë të shkatërruar nga ngjarja.

Përmes një statusi në rrjetet sociale i ati i Rinorit ka shprehur dhimbjen e tij për humbjen e të birit, duke prekur zemrat e qindra njerëzve në Facebook.

“Ti po flen e un hala po pres qe ti me u qu, po tthirii amo ti spo qohesh, lem un te vdes e ti qu, pi foli shpirtit tond pi foli. Kom pa nfilma tu shku nusja te vorri e burrit, kom pa edhe djali tu kajt mbi vorr te dashures amo nuk ish e njejt si me shku te vorri i djalit e me shkri krejt lot mbi trupin e tij… U prefsh ne paqe Djali jem drita jem RINOR”-shprehet Fatmir Bunjaku, ndërkohë që me dhimbjen e tij solidarizohen edhe miqtë e tij duke i shprehur “ngushëllime” dhe “zoti ja lehtësoftë dhimbjen”.

Ndërsa, po ashtu bëhet me dije se  varrimi i të riut do të bëhet të premten, më 3 Maj në orën 13.00 në varrezën “Friedhof Chilisbaum”, Ifangstrasse 100 në Rümlang në Zvicër, vend në të cilin familja e Rinorit jetonte prej kohësh.