Kanë dalë negative analizat e 50 vjeçares nga Lushnja e cila dyshohej se ishte e prekur nga koronavirusi. Shtetasja me iniciale M.V nga Lushnja kishte 2 ditë që kishte ardhur nga Padova e Italisë.
Zonja shfaqi vështirësi në frymarrje, temperaturë e lartë dhe dhimbje artikulacionesh duke ngritur dyshimet që ajo ishte prekur nga koronavirusi.
50-vjeçarja u izolua në ambientet e infektivit në Tiranë, por duket se edhe rasti i saj ka dalë negativ, ashtu si rreth 60 rastet që janë testuar në total në vendin tonë.
Koronavirusi është përhapur derimë tani në 92 vende të botës, duke shkaktuar 3400 viktima, ndërsa numri i të prekurve është duke arritur 100 mijë.
Vendet më të prekura janë Kina, Koreja e Jugut, Irani dhe Italia, ndërkohë që ekspertët thonë se me rritjen e temperaturave, pritet që të ketë një ulje të fluksit të të prekurve nga COVID-19.
Në Shqipëri ende nuk ka mbërritur zyrtarisht koronavirusi, ndërsa padyshim që kjo ka nxitur habinë e mjekëve dhe të ekspertëve që me siguri do të marrin në studim sistemin imunutar të qytetarëve.
(E.K/Faxweb.al)
Discussion about this post