Aktivisti Valon Elezi ka nisur një peticion për përjashtimin e pedagoges Biljana Vankovska nga Universiteti i Shkupit, për shkak se ajo ka përdorur një gjuhë urrejtjeje ndaj shqiptarëve. Deklaratat e saj janë bërë pas aksidentit që ndodhi në Maqedoni, dhe që shkaktuan 14 viktima, kryesisht të moshave të reja.
“Pas tragjedisë së rëndë në aksidentin rrugor në autostradën Shkup-Tetovë, Biljana Vankovska, profesore në Universitetin “Shën Kirili dhe Metodi” foli me gjuhën e urrejtjes bazuar në përkatësinë etnike.
Me këtë veprim, ajo nxiti urrejtje në bazë të përkatësisë etnike në një moment kur Maqedonia, ngadalë, por sigurtë, po bën hapa të mirë në integrimin euroatlantik dhe në momentin e tragjedisë, ku pesëmbëdhjetë bashkëqytetarë tanë kanë humbur jetën dhe tridhjetë të tjerë janë të lënduar”, thuhet në peticion.
Në një lidhje për Fax News Elezi u shpreh se deklaratat e pedagoges janë të papranueshme, dhe se Ministria e Brendshme në Maqedoni ka nisur hetimet lidhur me deklaratat e saj. Elezi shtoi se ajo duhet të largohet menjëherë nga Universiteti i Shkupit.
Biljana Vankovska, antishqiptare e njohur, e cila u tall me tragjedinë që ndodhi në autostradën Shkup-Tetovë. Vankovska shkroi në Fb pas ngjarjes: “Çfarë tragjedie dhe ironie: Karpallak”, duke aluduar për luftën e vitit 2001, kur këtu ndodhi vrasja e disa ushtarëve të ARM-së nga anëtarët e UÇK-së.”
(E.K/FAXWEB.AL)
Discussion about this post