Vetëm pak ditë më parë qarkulloi një video ku futbollistët e Kombëtares Shqiptare, Armando Sadiku dhe Andi Lila, shfaqeshin në dhomën e një hoteli duke u tallur me përfaqësuesit e klerit ortodoks është bërë objekt debatesh dhe diskutimesh të shumta.
Por për këtë video përveç kritikave ndaj futbollistëve pritet të ketë edhe për autorin e kësaj video, imamin Ahmed Kalaja.
Burime nga Komuniteti Mysliman Shqiptar kanë thënë se se ditën e djeshme Komiteti Shtetëror për Kultet iu ka kërkuar zyrtarisht me anë të një letre, shkarkimin e Ahmed Kalasë nga detyra e imamit të xhamisë tek “Rruga e Kavajës” në kryeqytet.
Sipas një portali online kërkesa e Komitetit të Kulteve mbështetet mbi argumentin se me anë të kësaj videoje, imam Ahmed Kalaj ka cçnuar dhe prishur me dashje harmoninë ndërfetare në vend.
Po kështu shumë shpejt do të thirret dhe një mbledhje ku do të merret edhe vendimi për imamin, Ahmed Kalaja, pa saktësuar nëse ai do të shkarkohet apo jo nga kjo detyrë e lartë fetare.
Edhe pse imami Ahmed Kalaja me anë të një postimi në “Facebook” kërkoi ndjesë për gjithçka ka ndodhur kjo mesa duket nuk “piu ujë” në komunitetin mysliman. (J.V/Shuplaka)
