Kryetari i Partisë Demokratike, Lulzim Basha, ka reaguar pas deklaratës së sotme të kryeprokurorit Llalla, i cili kërkoi në takimin me ministrin Vasili që në asgjësimin e drogës të jenë të pranishëm edhe struktura të prokurorisë.
Ai u shpreh nga çadra se u faktua ajo që dihej nga të gjithë, se droga nuk asgjësohet por trafikohet nga kupola kriminale.
“Ua tha sot edhe Prokurori i Përgjthshëm atë që e dinin të gjithë, siç e do ligji, sepse i prishin punë kupolës mafioze, sepse nuk e asgjësojnë drogën por e trafikojnë. Kupolë kriminale, jo sepse droga është krim, por e ka mbushur parlamentin dhe institucionet me drogë.
Kjo është arseja që na mblodhi e na çoi në vendimin se nuk ka e nuk do të ketë zgjedhje me Edi Ramën kryeministër. Ne këtu luftojmë për Europën dhe Amerikën. Për vlerat e përbashkëta dhe sigurinë.
Asnjë dyshim të mos keni. Partnerët europianë dhe amerikanë janë në krah të zgjedhjeve të lira. Sot në opozitë dhe nesër në qeverisje, Partia Demokratike do jetë partneri më i përkushtuar ndaj ndërkombëtarëve.
Kjo parti dhe ju qytetarë, kemi qenë, jemi dhe do të jemi në krye të përpjekjes për një Shqipëri të lirë, demokratike, të zhvilluar e të sigurt.”, deklaroi Basha.
(XH.A/SHUPLAKA)
