Kur u duk se gjithçka do të shkonte drejt një sqarimi dhe Odise Andrea me vullnetin e tij u dorëzua në policinë e Tiranës, një akuzë e re del në dritë. Ai ka hyrë në mënyrë të paligjshme në territorin e vendit tonë.
Nga verifikimet në pikat kufitare rezulton se ai nuk ka hyrë në asnjë nga pikat doganore të vendit, duke figuruar ligjërisht në Itali. Nuk dihet si është bërë e mundur mbërritja e tij në vendin tonë.
Në sistemin TIMS është e regjistruar vetëm data 15 korrik 2016, si datë kur ai ka dalë jashtë Shqipërisë, nëpërmjet Portit të Durrësit, bashkë me gjyqtaren. Që nga ai moment nuk ka më asnjë datë tjetër të shënuar në sistemin TIMS. Nisur nga këto të dhëna, Policia, që përveç ekzekutimit të masës së sigurisë “arrest me burg” për akuzën e korrupsionit, ka ngritur ndaj tij edhe akuzën e “kalimit të paligjshëm të kufirit.
Me të mbërritur në vendin tonë ai u shpreh se i mohonte të gjitha akuzat në ngarkim të tij dhe se është kthyer në Shqipëri për të zbardhur të vërtetën mbi ngjarjen. (E.K/SHUPLAKA)
Discussion about this post