Pas dëshmive të prindërve të 22-vjeçarit Estref Halili, i cili u vetëvar një ditë më parë në banjon e burgut të Rrogozhinës, ka reaguar edhe një shok i viktimës që ka dhënë gjithashtu dëshminë e tij.
Miku i tij, identiteti i të cilit nuk bëhet i ditur, por mësohet se jeton në Athinë, ka thënë për një portal online se ishte turpi që e shtyu Estrefin të kryente këtë akt të rëndë.
Ai shprehet se e njihte 22-vjeçarin si një djalë mjaft të mirë që u detyrua të varë veten. “Nga depresioni mendoj unë dhe nga turpi që u fut për të dytën herë në burg.”, shkruan ndër të tjera ai.
Më tej, shoku nga Athina kërkon që drejtësia të vihet në vend, që shqiptarët të mos kalben në burg për një cigare hashash dhe të tjerët me kamionë me drogë të dalin përsëri.
Në dëshminë e tij, babai i Estrefit, Ardian Halili u shpreh se aktin e rëndë i biri mund ta ketë kryer në kushte të rënda psikologjike. Ndërsa nëna mes lotësh është shprehur se i biri që mezi e rriti nuk merrej me drogë. (XH.A/SHUPLAKA)
Discussion about this post