U vihet zjarri plehrave, makina përfshihet nga flakët në Durrës (Video)

Gjatë orëve të para të mëngjesit një makinë ka marrë flakë pranë zonës së lulishtes në Durrës.

Ngjarja ka ndodhur rreth orës 01:00  pranë lokaleve që ndodhen te zona e njohur si lulishtja.

Kjo ngjarje dyshohet se ka ndodhur nga zjarri që i është vënë plehrave që ndodheshin afër makinës, e cilia ishte e parkuar.

Ende nuk ka një njoftim zyrtar për ngjarjen dhe shkakun e saj, ndërkohë që siç shihet dhe nga pamjet e dërguara nga një prej banorëve të zonës në redaksinë e “DurrësLajm”, forcat e zjarrfikëses kanë shkuar në vendngjarje duke bërë të mundur shuarjen e flakëve.

 Makina që është përfshirë nga flakët ka pësuar shumë dëme.