U vra në banesën e tij mes Bjeshkëve në Tropojë, kush është Tahir Bajraktari dhe njohja me autorin (Foto)

‘’Faxweb.al” ka siguruar foton e Tahir Bajraktarit, i cili u vra pasditen e djeshme në zonën e Doberdolit në Tropojë, në banesën e tij.

Vrasësi sipas policisë është shtetasi N.L, 54 vjeç banues në Tiranë, ndërkohë që ende mbetet mister arsyeja e kësaj vrasjeje.

Burime për Faxweb nga banorët e zonës bëjnë me dije se autori i vrasjes ka punuar si usta në familjen e Bajraktarit për rrethj dy muaj, dhe ndoshta këtu ka lindur ndonjë konflikt mes të dyve.

Njoftimi i policisë për ngjarjen:

Policia identifikon autorin e dyshuar të vrasjes së  69 vjeçarit në bjeshkën e Doberdolit Tropojë.

Në lidhje me ngjarjen e ndodhur   mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ngriti një grup të posaçëm hetimor.

Falë veprimeve të shpejta dhe profesionale si dhe hetimeve intensive nga grupi hetimor, u bë e mundur  identifikimi i autorit të dyshuar shtetasi N.L, 54 vjeç banues në Tiranë.

Shtetasi  N.L dyshohet se më datë 18.09.2018,  për motive të dobëta  dyshohet se ka  vrarë me armë zjarri në banesën e tij në bjeshkën e Doberdolit, Tropojë Fshat, shtetasin T.B., 69 vjeç, banues në Tiranë.

Vijon puna për kapjen e autorit të dyshuar të kësaj ngjarje

Materialet i kaluan Prokurorisë pranë Gjykatës së Shkallës së Parë Tropojë, për veprat penale të parashikuara nga nenet 76 e 278 të Kodit Penal. 

(E.K/FAXWEB.AL)