Prej më shumë se një jave të gjithë qytetarët ngritën pyetjen se ku ndodhet kryeministri Rama. Asnjë dalje publike, që në ditën kur u zgjodh kryeprokurorja e re Arta Marku dhe një takim informal me Mogherinin.
Mirëpo më në fund Rama është rikthyer në Shqipëri dhe veprimi i parë që ka bërë është lënia e një interviste me Sokol Ballën ditën e sotme.
Sigurisht që edhe pa nisur emisioni ne e marrim me mend se kryeministri i vendit do të flasë për vizita të rëndësishme që ka bërë në USA, edhe pse asgjë nuk dihet në lidhje me to.
Kjo nuk është hera e parë që Rama tregohet diskret në lidhje me udhëtimet e tij jashtë vendit. Pak muaj më parë ai u fotografua në një aeroport të Hollandës i pashoqëruar nga askush tjetër duke udhëtuar vetëm në një takim të panjoftuar dhe për të cilin ende nuk dihet asgjë.
Sigurisht kjo kohë pushimesh që ka marrë do ta bëjë sot në studion e Ballës edhe më të çlirët debatin, ku “sukseset” e vitit që lamë pas do numërohen një e nga një.
(E.K/FAXWEB)
Discussion about this post