“Shqipëria është shtëpia e shqiptarëve. Ky është misioni ynë, asnjë hap pas”, kjo është përgjigja e kryetares së LSI-së Monika Kryemadhi pas akuzave të eurodeputetit Fleckenstein se po pengon integrimin e vendit. Duket se mesazhi i Kryemadhit është i qartë se opozita nuk e pret zgjidhjen e krizës politike në vend nga ndërkombëtarët.
Deklaratat e Fleckenstein se opozita po pengon integrimin u bënë gjatë takimeve me kreun e Kuvendit Gramoz Ruçit, dhe më pas gjatë një konference me gazetarët.
”Jam zhgënjyer shumë veçanërisht nga kryetarja e LSI-së, Monika Kryemadhi, e cila na tha që opozita e ka marrë vendimin dhe nuk ka kthim pas. Presim që deputetët të bëjnë punën e tyre dhe të kthehen në Parlament. Edhe sikur opozita të ketë të drejtë për akuzat, bojkotimi nuk zgjidh asgjë”, tha Fleckenstein në konferencën e shtypit dhënë pak minuta më parë.
“Doja të thoja edhe se organizatorët e protestave duhet të kujdesen të mos jenë të dhunshme, të mbajnë përgjegjësi për çdo akt që del përtej kontrollit të tyre. Nëse gjatë të gjithë kësaj kohe do të shohim pamje dhune nga rrugët e Tiranës, do të ketë pasoja në vendimin për negociatat”, tha më tej ai.
Fleckenstein shtoi se bojkoti i kësaj here që po bën opozita duke djegur mandatet, është më i mirë, pasi të paktën deputetët nuk do të marrin rrogën nga taksat e shqiptarëve. (LEXO TË PLOTË LAJMIN)
(E.K/FAXWEB.AL)
Discussion about this post