Dentistes 38 vjeçare Olesia Duka i janë skeustruar ditën e sotme disa prona në Tiranë e Durrës. Olesia Duka u arrestua disa ditë më parë nga policia pasi rezultonte se ka mashtruar disa persona në Tiranë, Durrës, etj, duke përfituar një vlerë përafërsisht rreth 2 milionë euro.
Në njoftimin e policisë thuhet se, po kryhet ekzekutimin e vendimit të Gjykatës të Shkallës së Parë, Durrës për vendosjen e sekuestros preventive të katër apartamenteve në Tiranë e Durrës, si dhe një klinikë dentare në Tiranë, në pronësi të shtetases Olesia Duka 38 vjeç, lindur dhe banuese në Tiranë, pasuri të dyshimta dhe që nuk justifikohen me burime të ligjshme”.
Nga informacionet e marra në rrugë konfidenciale nga policia rezultonte se shtetasja e lartpërmendur ka mashtruar disa persona në Tiranë, Durrës, etj, duke përfituar një vlerë përafërsisht rreth 2 milionë euro, informacione që shërbyen si indicie për regjistrimin e procedimit penal, proaktiv të vitit 2017.
Shtetasja Olesia Duka ka përdorur rrjetet sociale për krijimin e një statusi të rremë me qëllim vjedhjen e pasurisë nga shtetas të ndryshëm duke u paraqitur si grosiste dhe zotëruese e parë e tregut të lëndës “Zirkon” për shërbime stomatologjike dhe nëpërmjet shpërdorimit të besimit dhe gënjeshtrës, përfitonte nga biznesmenë të kësaj fushe sasira parash me premtimin për t’ju dërguar lëndën e parë me çmim shumice favorizues, mall të cilën nuk jua dërgonte.
Ndaj shtetases Olesia Duka, 38 vjeç, lindur dhe banuese në Tiranë, Gjykata e Shkallës së Parë, Durrës, ka caktuar masën e sigurisë “Arrest me burg”, për veprën penale të “Mashtrimit”, parashikuar nga neni 143/3 i Kodit Penal.
(M.Q/Faxweb)
Discussion about this post