U zu me gruan dhe i hodhi ujë të nxehtë të bijës 14-vjeçare, arrestohet babai

Një 45-vjeçar u vu në prangat e Policisë së Durrësit, pasi në gjendje të dehur dyshohet se i ka hedhur ujë të nxehtë të bijës 14-vjeçare.

Është kryer arrestimi i shtetasit K. XH. 45 vjeç, banues në Durrës.

Për pasojë, e dëmtuara është djegur në këmbë dhe ndodhet në QSUT nën kujdesin e mjekëve.

Detaje të Policisë së Durrësit:

Specialistët për Krimet në Komisariatin e Policisë Durrës shpallën në kërkim dhe po punojnë për kapjen shtetasit:
• K.Xh. 45 vjeç, banues në Durrës.

Shtetasi i mësipërm, më datë 01.03.2017, rreth orës 18:00, në banesë, në gjendje të dehur, pas një konflikti për motive të dobëta, me bashkëshorten e tij, dyshohet se i ka hedhur ujë të nxehtë, vajzës së tij, shtetases A.XH. 14 vjeçe, e cila është përfshirë për të shuar konfliktin midis prindërve.

Për pasojë, e dëmtuara është djegur në këmbë dhe ndodhet në Q.S.U.T. nën kujdesin e mjekëve.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale”Dhunë në familje” parashikuar në nenin 130/a/4 të Kodit Penal.

(XH.A/SHUPLAKA)