Banorët e fshatiti Kraps në Fier prej katër ditësh janë transferuar nga gjendja civile e Bashkisë së Fierit në Bashkinë e Patosit, teksa shprehen se nuk e dinë shkakun e zhvendosjes pasi nuk janë njoftuar. Pas shumë problemeve që kanë si banorë ata kërkojnë një zgjedhje të kësaj situate pasi kanë paguar taksa për Bashkinë e Fierit dhe se ky transferim ka ndodhur pa dijeninë e tyre.
Një nga banorët shprehet se në këtë fshat kanë pronat dhe shtëpitë të ndërtuar prej 350 vitesh dhe se deri tani janë transferuar 35 familje brenda muajit. Ai kërkon që gjendja civile të rikthehet aty ku ka qenë më përpara.
“Të gjitha shtëpitë që kemi sot e 350 vjet të ndërtuara këtu në këtë fshat, Bashkia e Patosit i pranon këto pa legalizime ndërsa Bashkia e Fierit nuk i pranon. Problemi jonë është që ne duhet të vijmë në identitet aty ku kemi qenë. Deri tani jemi 35 familje, kurse fshati është 63 familje. Si mund të transferohet gjendja civile brenda një muaji. Ne kërkojmë të kthehemi atje ku kemi qenë në gjendja civile ku kemi qenë në Portëz që na merr Bashkia e Fierit”, tha banori.
Një tjetër u shpreh se taksat i kanë paguar për Bashkinë e Fierit dhe se nuk ka asnjë investim nga pushteti vendor. Gjithashtu transferimi në Bashkinë e Patosit ju hap atyre shumë probleme me dokumentacionet dhe pronat që kanë.
“Ne taksat i kemi paguar për Bashkinë e Fierit dhe jo për atë të Patosit, rrugën e kanë bërë copë-copë, ndriçim jo. Taksë ndriçimi, gjelbërimi dhe pastrimi i paguajmë të gjitha. Ne jemi në këtë bashki, kemi problemin me tokat pasi i kemi dokumentacionet në këtë bashki jo me atë të Patosit.
Një banor shprehet se ka një tallje nga bashkia që nuk bën as një investim tek rrugët dhe se populli hallakatet për të marrë një certifikatë.
“Patosi thotë e ke në Fier se taksat i merr Fieri dhe certifikata merren në Patos. Plus këtë rrugën këtu vijë tallen, sjellin një makinë dhe shkruajnë 4 makina”.
(E.G/Faxweb.al)
Discussion about this post