Nevila Xhindi, sekretare për Shoqërinë Civile në Partinë Demokratike ka reaguar lidhur me rezultatin e zgjedhjeve, ku PD pësoi një humbje të thellë.
Xhindi përmend magazinat e mbushura me kanabis duke nënkuptuar kështu se votat janë blerë me ato para.
“Kronikë e një viti të mbrapshtë
Na ishin njëherë ca zgjedhje, fati i të cilave endej magazinave të kanabisit dhe rrugëve ku të fortët ishin timonierët e kamionave që transportonin vëzhgues…të brendshëm e të jashtëm…
Ishte verë 2017!
Vëzhguesit e huaj në një ditë të vetme konstatuan që standarti i zgjedhjeve në Shqipëri ishte MJAFTUESHËM!( OSBE-ODHIR)
Po ne vëzhguesit e përfituesit shqiptarët si menduam?
Në katër vite ne e dinim mirë se sa shumë reforma kanabistore u deshën në gjithë Shqipërinë dhe sa të fortë dolën rrugëve gati për ta dhunuar votën e lirë, atë të lirën fare, atë të varfrën që përpëlitej trishtueshëm për mbijetesë.
Po! Në katër vite shqiptarit iu dhunua deshira për punë, për biznes, për shkollim, për kurim shëndetësor, iu varfërua shpirti!!
Ua morën shqiptarëve gjithçka kishin dhe i blenë një timon!
Timoni shkoi në duar të sigurta
Ama shqiptarët brenda shtëpisë, aty ku qahen hallet e vërteta, me mendjen e tyre, aty ku thellë fle liria, por tashmë si përfitues të vlerësuar me çmimin e varfërisë dhe si vëzhgues të kujdesshëm, u japim notë JO KALUESE zgjedhjeve!
Demokracia shqiptare ende përpëlitet magazinave e rrugëve pa krye të varfërisë.
Koha ( jo ajo që humbëm në 27 vjet) mbase do u vërë prangat të fortëve dhe magazinave te kanabisit..e mbase do ta çlirojë shqiptarin e ndrydhur mendimeve për varfërinë e shitur!”, shkruan Xhindi. (D.D/Shuplaka)
Discussion about this post