Disa ditë më parë ‘’Shuplaka” solli fotot e disa prej deputeteve të veshura më me stil në seancat e para të Kuvendit. Po ashtu siç e theksuam në shkrimin e mëparshëm, ndoshta nga nxitimi syve tanë mund t’i kishin shpëtuar dhe disa foto.
Klajda Gjosha dhe Eglantina Gjermeni, dy ish-ministre të suksesshme në katër vitet e shkuara janë shfaqur mjaft këndshëm dhe brenda stilit të tyre në javën e parë të Kuvendit.
Ish-ministrja e Integrimit Klajda Gjosha me fustanet e saj tipikë me krah treçerekshë dhe me gjatësinë e gjurit që i rrinë mirë elegancës së saj. Të dy në nuancat e blusë, ndërsa flokët e drejta. Çantat me rripin e hollë dhe këpucët pa shumë takë. Veshje e zgjedhur duhur për në Kuvend.
Ish-ministrja e Zhvillimit Urban Eglantina Gjermeni po ashtu ka qëndruar besnike e stilit të saj. Kostumet me mëngë të gjata dhe me gjatësinë e gjurit. Një ditë blu dhe një ditë tjetër blu me nuancën e lejlasë. Ndërsa sa i përket flokëve Gjermeni i ka të vështira eksperimentet, kjo për shkak të ondeve mjaft të theksuara. Tek ajo nuk mungojnë as aksesorët si vathët apo varset.
Mjaft elegante dy zonjat e Kuvendit që pritet të jenë mjafta aktive dhe në foltore, Klajda si nënkryetare e Grupit të LSI-së dhe Gjermeni si kryesuese e PS-së për Durrësin.
(E.K/SHUPLAKA)
