Vendimi i qytetarëve Britanikë me anë të referendumit popullor për të dalë nga eurozona, ka marrë sot aprovimin e udhëheqësve të Bashkimit Europian.
Presidenti i Këshillit Evropian, Donald Tusk e njoftoi këtë vendim sot me anë të një postimi në Twitter.
27 udhëheqësit e BE-së dhanë mbështetjen e tyre pas diskutimit që zgjati më pak se një orë në Bruksel.
Tusk paralajmëroi të shtunën se marrëveshja do të miratohej pasi Spanja tërhoqi shqetësimet e minutës së fundit në lidhje me Gjibraltarin.
Ndërkohë që marrëveshja duhet të miratohet nga Parlamenti i Britanisë, ku shumë deputetë janë kundra.
Negociatat për aprovimin e Brexit kanë zgjatur më shumë se 18 muaj të cilat nisën kur Mretëria e Bashkuar vendosi të dilte nga unioni pas referendumit të 2016-ës.
Britania e Madhe do të largohet nga BE më 29 mars 2019 por vetëm pasi Parlamenti të votojë mbi marrëveshjen në fillim të dhjetorit, ku miratimi i tij nuk është aspak i garantuar, pasi partitë Labour, Lib Dems, SNP, DUP dhe shumë deputetë të konservatorëve janë të vendosur që të votojnë kundër.
Kryeministrja Theresa May ka bërë thirrje për miratimin e marrëveshjes, duke argumentuar se është marrëveshja më e mirë që mund të arrihej.
(F.GJ/FAXWEB.AL)
