Është zbuluar asyeja pse ish-minsitri i Brendshëm Saimir Tahiri ka udhëtuar drejt Gjermanisë dje.
“Panorma” shkruan se ai ka udhëtuar nga Aeroporti i Rinasit, ku dhe pritet të kthehet sot dhe kjo gjë është konfirmuar nga vetë ish-ministri pasi ka pohuar se ndodhet në Gjermani.
Ndërsa burime pranë familjes së tij, thanë se shkak i këtij udhëtimi kanë qenë çështje personale dhe ai kthehet sot. Po kështu burime pranë Partisë Socialiste shtuan se shkak i këtij udhëtimi të Tahirit është një problem shëndetësor i babait të tij, Bashkim Tahiri.
Ai do t’i nënshtrohet një ndërhyrjeje kirurgjikale dhe për këtë arsye, prezenca e të birit atje ka qenë e domosdoshme. Ndërsa avokati i ish-ministrit, i cili është person nën hetim nga Prokuroria e Krimeve të Rënda, u shpreh se nuk ishte në dijeni të këtij udhëtimi.
Por duhet të theksojmë që Prokuroria nuk ka vendosur që Tahiri të mos lëvizë jashtë vendit edhe pse është një person nën hetim. (J.V/Faxweb)
Discussion about this post