Një 36-vjeçar është ndaluar nga policia pasi tentoi të kalonte në kufirin mes Shqipërisë dhe Greqisë një sasi të konsiderueshme lënde narkotike.
Mësohet se shtetasi me inicialet E.K., është ndaluar në Qafë-Botë ndërsa i janë sekuestruar 36.3 kg lëndë narkotike e dyshuar si kanabis sativa.
Policia pas një kontrolli në mjetin tip “Peugeot” ka konstatuar në bagazhin e saj sasinë e lëndës narkotike duke bërë kështu edhe arrestimin në flagrancë të poseduesit.
