Fërshëllimat në stadium dhe hedhja e sendeve në fushën e blertë nga tifozët kuqezi, i kanë kushtuar Federatës Shqiptare të Futbollit me të ardhura simbolike, një gjobë prej 28 mijë e 500 euroshe në total.
Përkatësisht, Komisioni i Disiplinës të UEFA-s, ka vendosur të ndëshkojë Kombëtaren Shqiptare me 5 mijë euro për fërshëllimat e tifozëve në stadium teksa këndohej himni i kombëtares së ‘gjelave’, ndërsa plot 23 mijë e 500 euro për hedhje sendesh në fushë.
Pra në total, FSHF është gjobitur me 28 mijë e 500 euro. Një shumë kjo e konsiderueshme, duke ditur buxhetin e vogël që institucioni i futbollit shqiptar ka.
Ndeshja ndaj Francës është luajtur me 17 Nëntor në stadiumin që u inagurua për herë të parë në sfidën përmbyllëse të grupit ku përfundoi me rezultatin 0:2 në favor të ‘gjelave” në stadiumin “Air Albania”.
(F.GJ/FAXWEB.AL)
