Vetëm një ditë pasi u publikua lajmi se klubi I futbollit Skënderbeu rrezikon të dënohet me 10 vite përjashtim nga Kupat e Europës për shkak të trukimit të ndeshjeve, ka ardhur dhe qëndrimi zyrtar i FSHF-së.
“Gjatë ditës së djeshme, por edhe sot FSHF ka marrë informacionet e nevojshme lidhur me dokumentin e publikuar i cili është relacioni i inspektorëve të UEFA-s drejtuar Komisionit të Disiplinës, dhe jo një vendim disiplinor. Informacione këto, të domosdoshme për të patur një qëndrim të konsultuar institucional dhe publik.
Ndonëse FSHF po e ndjek me vëmendje ecurinë e procesit disiplinor ndaj Skënderbeut, vlen të theksohet se kjo është një çështje që i përket drejtpërdrejtë klubit anëtar (Skenderbeu) dhe vetë UEFA-s.
FSHF do te jetë e hapur për çdo vendim disiplinor që mund të vijë në rrugë zyrtare nga trupat gjykuese të UEFA-s për rastin në fjalë”, thuhet në njoftimin e FSHF-së.
(B.H/Faxweb)
