Në faqen zyrtare të UEFA-s,mëson se kampionati shqiptar i Kategorisë Superiore nuk është mbyllur ende sa i përket çështjes së titullit kampion. Sipas tyre “Skënderbeu” është ende në garë për titullin kampion. Duhet të theksojmë që kjo është një lapsus, por sipas një shkrimi të sotëm nga “UEFA.com”, Skënderbeu është ende në garë për të fituar titullin e 7 radhazi.
Sipas Panorama Sport gabim i UEFA-s është bërë në artikullin e kushtuar për titullin kampion të Gjibraltarit të fituar nga skuadra Europa, e cila ndali serinë prej 14 titujsh radhazi të Linkolnit, duke i mohuar njëkohësisht vendosjen e një rekordi të ri në Europë.
Me siguri, autori i këtij shkrimi nuk i lexon shkrimet e tjera të “UEFA.com”, pasi jo më larg se dje në mbrëmje ky sajt njoftoi shpalljen kampion të Kukësit në Shqipëri. (J.V/Shuplaka)
