Banorët e fshatit Lami i Madh protestojnë prej kohësh kundra HEC-eve në lumin Zall Gjocaj që pritet të ndërtohen.
Ata kërkojnë pezullimin e punimeve të HEC-it në lumin Zall Gjocaj, për arsye se punimet po sjellin ndotjen e ujit të pijshëm dhe po u shterrojnë burimet.
Banorët kanë bërë kërkesë në gjykatën administrative për pezullimin e punimeve, por kërkesa është rrëzuar nga gjykata.
Mbrëmjen e sotme ato ishin të pranishëm tek Ministria e Infrastrukturës dhe Energjitikës, ku pretenduan se do të priteshin nga ministrja Belinda Balluku, për të shpalosur problemin e tyre, por që nuk u pritën.
Para kamerave për FaxNews, banorët deklaruan se do të vijojnë protestat, pasi mbeten pa ujë të pijëshëm dhe janë mbi 10 mijë banorë që preken.
“Është pak Kombëtar. Kur ishte në proces për tu shpallur, si e nënshkurajnë firmën, pa u marrë mendimin tonë. Po na mashtrojnë, po na marrin ujin. Kjo është shkelje flgrante e ligjit. Ne jemi 5 kryetarë fshatrave të komunës Derjan. Preken 13 fshatra. Mbi 10 mijë banorë mbeten pa uje, preken edhe kafshët. Ujin nuk na sjellë, por pse na e merr?! Ne atë ujë do ta mbrojmë dhe me gjak. Le ti ngrefi policia çadrat nga aty se ne nuk lëvizim nga aty.
Të gjithë këto që thanë le të vijnë askush dhe ministrat nuk na pritën. Kësaj rradhe nuk na priti njeri. I kemi përdorur të gjitha mjetet demokratike. I kemi njoftuar për këtë padrejtësi të madhe që po bëhet. Dëgjimi me komunitetin nuk është kryer fare. Nuk është bërë me banorët e kësaj zone. Pa ujë ska jetë. Është për tu habitur ne 40 protestues aty 150 policë. Ato ndërrojnë hajdutët dhe i kundërvihen popullit.”- u shprehë banorët.
(M.Q/Faxweb.al)
