Ukraina ka vendosur t’i hapë dritën jeshile produkteve shqiptare, kryesisht mishit dhe qumështit, duke lejuar importimin e tyre nga Shqipëria.
Me këtë zhvillim, Ukraina bëhet tregu i parë i rëndësishëm me potencial për eksportin e munguar të të produkteve me origjinë blegtorale të pa eksportuara këto 27 vite në asnjë treg botëror.
Prej 27 vjetësh, Shërbimi Shtetërore i Sigurisë Ushqimore dhe Mbrojtjes së Konsumatorit në Ukrainë, e rendiste Shqipërinë si vend, me rrezik nga sëmundje të ndryshme në kafshë dhe të prekur nga gripi shpendëve.
Kjo arritje vjen pas nënshkrimit të memorandumit të bashkëpunimit mes Qendrës së Eksporteve Shqiptare dhe Dhomës së Tregtisë së Doneskut në Dhjetor 2016, një prej pikave e të cilit ishte edhe heqja e të tilla barrierave.
Tashmë Qeveria e Ukrainës ka ka hequr çdo barrierë, të cilat ndalonin eksportin e produkteve shqiptare të mishit dhe kafshëve të gjalla përfshi produkte me bazë qumështi, të cilat plotësojnë standardet bazë të sigurisë ushqimore.
Është një event historik pasi për herë të parë në Shqipëri organizohet një forum i tillë mes bizneseve shqiptare dhe ukrainase. Forumi i biznesit do të pasojë nga takime B2B mes bizneseve ukrainase dhe atyre shqiptare. Bizneset që kanë konfirmuar pjesëmarrjen janë nga fusha të ndryshme. Një prej tyre është rrjeti i njohur supermarketesh në Ukrainë . Po ashtu do të vinë kompani që operojnë në fushën e turizmit, kompani që prodhojnë miell, grurë, misër, vaj luledielli, sheqer, kripë përfshi kompani të cilat prodhojnë pjesë për pajisjet që përdoren në bujqësi. Pjesë e këtij misioni biznesi nga Ukraina janë edhe zyrtarë të qeverisë përfshi përfaqësues nga drejtoria e shërbimeve veterinare”, u shpreh Elvira Sevostianenko, presidente e Dhomës së Tregtisë të Doneskut.
(XH.A/SHUPLAKA)
