Në orët e pasdites, dy persona kanë ngritur flamurin kombëtar shqiptar në qendër të Kumanovës, ndërsa kanë ulur atë maqedonas, që ishte në shtizën gjigante në qendër të Kumanovës, raporton agjensia e lajmeve INA.
Autorët e këtij episodi menjëherë janë arrestuar nga policia në vendin e ngjarjes.
Ngjarja e shoqërua me trazira në qendrën e qytetit ku policia ka futur në furgon personat që kryen aktin.
Ministri e Punëve të Brendshme pritet të japë hollësi për këtë rast.
Kumanova shtrihet në pjesën veriore të Maqedonisë, mes kufirit me Serbinë në veri dhe Kosovën në veri-perëndim.
Në pjesën perëndimore të qytetit, rrëzë maleve të Karadakut shtrihet një numër i madh i fshatrave të banuara kryesisht me popullsi shqiptare por edhe qyteti ka numër të madh shqiptarësh. Shpeshherë ka pasur konflikte ndëretnike.
(M.D/ Shuplaka)
Discussion about this post