Këtë të dielë pothuajse i gjithë territori i Shqipërisë do të dominohet nga mot i kthjellët, por shumë i ftohtë. Mesa duket reshjet e shiut ia kanë lënë vendin atyre të dëborës. “Fax News” ka mësuar se që rreshjet e dëborës kanë filluar në veri të vendit, konkretisht në Kukës. Ndërsa Tirana sot është gëdhirë pa rreshje shiu por me temperatura të ulta.
Sipas meteorologëve temperaturat sot do të bien ndjeshëm. Orët e para të së dielës mbeten me vranësira dhe reshje të pakta dëbore në zonat Lindore dhe Juglindore ndërsa pjesa tjetër e vendit kalon kryesisht e kthjellët.
Përgjatë ditës, Shqipëria dominohet nga mot kryesisht i kthjellët por shumë i ftohtë pasi temperaturat e ajrit do të luhaten nga -5 / -6°C mëngjesi në zonat e thella në Veri deri në 10 / 11°C maksimumi në zonat Jugperëndimore.
Meteoalb paraqet edhe format e reshjeve të nisura që pas mesnatës në Veri, Verilindje dhe pjesërisht Qendra e Shqipërisë. (J.V/Faxweb)
Discussion about this post