Gazetari Senad Nikshiqi ka deklaruar se në harkun kohor të një viti është gjysëm mbyllur një tv lokal duke nxjerrë në rrugë 8 punonjës. Ai ka treguar më tej se në qytetin e Shkodrës janë larguar nga ky qytet gazetarë që kanë lënë gjurmë pasi nuk ka as kontrata e as dinjitet për këtë profesion dhe as siguri për familjet e tyre.
“Por çfarë bëjnë unionet? Këto unione që gjithë jetën ua kanë dedikuar titullarëve dhe kryetarëve nuk bëjnë asnjë zë! Përkundrazi, festojnë dhe ndajnë çmime, çmime që më mirë s’po flas. Po çtë them më shumë se çfarë thotë qyteti për ta dhe për ne armiqtë e përndjekur. Eh moj Shkodër!”, shprehet Nikshiqi.
REAGIMI:
Në harkun kohor të një viti është gjysëm mbyllur një tv lokal duke nxjerrë në rrugë 8 punonjës, është mbyllur një tjetër redaksi duke lënë në rrugë 6 të tjerë në Shkodër ashtu siç kolegu iku për një status nga puna. Janë larguar nga ky qytet gazetarë që kanë lënë gjurmë pasi nuk ka as kontrata e as dinjitet për këtë profesion dhe as siguri për familjet e tyre dhe të tjerë janë në proces largimi ashtu siç të tjerë lusin Zotin që të largohen!
Por çfarë bëjnë unionet? Këto unione që gjithë jetën ua kanë dedikuar titullarëve dhe kryetarëve nuk bëjnë asnjë zë! Përkundrazi, festojnë dhe ndajnë çmime, çmime që më mirë s’po flas. Po çtë them më shumë se çfarë thotë qyteti për ta dhe për ne armiqtë e përndjekur. Eh moj Shkodër!
Në 11 vite tashmë të punës time si gazetar asnjëherë nuk jam mburrur për asgjë edhe pse rastet mund të kenë qenë ashtu siç edhe rastet për të marrë kritikë. Ajo që kam bërë gjithnjë kam dëgjuar kritikat sepse ato më kanë vlejtur më shumë se sa lëpirjet e zakonshme në këtë vend dhe këtë e dinë të gjithë shefat e mi të këtyre viteve. Ndryshe nga shumë tjerë, unë nuk ruaj asnjë nga materialet që realizoj, as nuk shkrep foto çdo minutë, e as nuk vuaj për dalje në tv një ditë po, një ditë po (edhe pse kjo modesti nuk është edhe aq mirë por kështu kam zgjedhur).
Ata që kanë vendosur bashkë me konsultorët sot nuk kanë bërë gjë tjetër veçse kanë treguar veten para nesh, armiqtë e përndjekur. Ajo çertefikatë është aq e pavlerë dhe qesharake sa nuk bëhet dhe nuk më vret kjo. Ajo që ka rëndësi është shfaqja e turpshme! (J.V/Faxweb)
