Çmimi i naftës në vendin tonë ka pësuar një rënie krahasur me disa javë më parë kur u karakterizua nga rritja e çmimit. 4-5 lekë për litër është mesatarja e çmimit të naftës, bazuar në përllogaritjet për secilin operator, ndërkohë që në pikat e bardha karburanti thuhet të ketë zbritur në 160 lekë krahasuar me shitjen e saj nga operatorët e përgjithshëm.
Sipas operatorëve të tregut, rënia e çmimit lidhet drejpërsëdrejti me rënien e çmimeve në bursat ndërkombëtare. Megjithatë, revista “Monitor” shkruan se pavarësisht uljes, Shqipëria mbetet ndër vendet me naftën më të shtrenjtë, jo vetëm në rajon por dhe në botë.
Sipas të dhënave të “Global Price Petrol”, të përditësuara deri në 22 maj, benzina në Shqipëri kushton 1.38 USD, ndërsa në Maqedoni 1.11 USD, Rumani 1.12 USD, në Bullgari 1.13 USD, në Serbi 1.28 USD, në Mal të Zi 1.34 USD, në Kroaci 1.38 USD.
(XH.A/SHUPLAKA)
