Në një intervistë të dhënë për Fax News, drejtori i përgjithshëm i Zjarrfikëses Alfred Kristuli përgënjeshtroi fjalët e thëna dje për uljen e rrogës së zjarrfikësve me 70 mijë lekë të vjetra.
Ai tha se kjo nuk mund të ndodhë pasi gradat e tyre janë të ngjashme me atë të oficerave dhe pagat janë të përcaktuara më parë.
Përveҫ pagës Kristuli foli edhe për VKM e vitit 2019 ku tha se kjo VKM sjell përfitime për punonjësit zjarrfikës.
Deklarat e plotë e Kristulit :
Është lajm i kotë. Jam në një pozicion të vështirë, nuk di ҫfarë t’ju them tani. Shërbimi zjarrfikës ka një ligj të veҫantë dhe siҫ janë ushtarakët kanë status të veҫantë. Në këtë kontekst përmes një VKM-je (350. Dt. 19.04.2017), marrin pagën mujore ku masa e saj përcaktohet sipas gradave që kanë. Nuk ka ndryshuar kjo VKM, dhe për rrjedhojë as pagat. Nuk ka lëvizur paga. VKM 203.dt. 10.04.2019 është detyrim më ligj i cili përcakton kriteret e masës së përfitimit me apo pa pagesë. Ky është benefit për punonjësit që më parë si kanë pasur. Pushimet vjetore me të drejtë page gjithashtu që nuk i kanë pasur. Koha shtesë në punë paguhet, kur e thërret gjatë kohës që është me pushime. Absolutisht nuk është e vërtetë ulja e pagave. Nuk e ka drejtoria kompetencë por ndryshon me VKM. Për këtë nuk ka asnjë VKM të re. VKM e 2019 duhet riparë dhe është shtruar për diskutim, por për benefite jo në kontekstin negativ. Përfshihet në ndryshimet që propozojmë edhe trajtimi ushqimor që nuk ka qenë ndonjëherë. Berisha i është referuar ndonjë punonjësi dhe është keqinformuar. Gjithҫka vendoset me VKM. Mund të jetë edhe ndonjë drejtues i pakënaqur që e ka thënë diҫka të tillë, mundet, nuk e di, thjeshtë po aludoj.
Discussion about this post