Ambasadori i Bullgarisë në vendin tonë Momchil Raytchevski, është shprehur me nota pozitive për uljen në tryezë të përbashkët të partive politike në vendin tonë, në mënyrë që të ketë një marrëeveshje për Reformën Zgjedhore.
Raytchevski ndan mendimin se dialogu është një nga kriteret që duhet të plotësojë Shqipëria për tu anëtarësuar në familjen Europiane.
“Atë që ndodhi është një gjë për të cilën ne dhe partnerët tanë nga BE flasim prej shumë kohësh, nevojitet dialog. Dhe këtë unë dhe kolegët e mi e kemi përsëritur disa herë.
Me kenaqësi e pritëm lajmin për dialogun e filluar. Konkretisht, a do të ndikojë kjo në temën që interesohemi të gjithë ne për rrugën e Shqipërisë në familjen Europiane, çeljen e negociatave, dialogu politik është njëri nga kushtet.
Është një proces i rëndësishëm, është cështje e plotësimit të kritereve. E rëndësishme është që të gjithë të punojmë në këtë fushë. Dialogu që filloi, bisedimet që do të realizohen për ndryshimet në kodin elektoral mund të jenë me rëndësi për shoqërinë dhe është hap i rëndësishëm”, u shpreh ambasadori bullgar, nga një takim që ka pasur në qytetin e Elbasanit.
Discussion about this post