Java tjetër do të vijë me një dimër të vërtetë. Ulja e temperaturave ka nisur që ditën e sotme, por duke filluar që nga java që vjen do të fillojnë reshjet e shumta të dëborës.
Sipas Meteoalb reshjet e dëborës do të pushtojnë pjesën më të madhe të vendit, deri në lartësitë mbi 700 metra mbi nivelin e detit.
u njoftua se një masë e ajrit shumë e ftohtë do të zhvendoset nga Siberia drejt Rusisë duke u zgjeruar përtej Uraleve gjatë fundjavës.
Ndërsa, të hënën dhe në vijim, vala e acartë shtrin ndikimin në pjesën më të madhe të kontinentit Europian duke zbritur në deri në Italinë Qendrore dhe gjithë gadishullin Ballkanik.
Me një vlerësim paraprak, pritet të jetë ngjarje e jashtëzakonshme atmosferike për shumë zona të Europës jo vetëm për faktin se do sjellë temperatura ekstremisht të ulëta në shumë qytete Europiane por më tepër për faktin se ngjarje të tilla vrojtohen rrallë në periudhat e fund-dimrit, shkruan Meteoalb.
Ndër të tjera, Meteoalb lajmëron se nga data 20 deri në datën 26 janar, do të kemi tamam ditë dimri.
Madje ka shumë gjasa që fundjava tjetër të na sjellë reshje bore në Tiranë, ndërsa konfirmon se mali i Dajtit do të mbushet plot.
(F.M/Faxweb)
