Metereologia Tanja Porja ka komentuar për Fax News ndryshimet më të fundit të kushteve të motit. Porja u shpreh se vendi është përfshirë nga një masë ajri më e freskët, e cila do të vijojë të paktën deri në ditën e premte.
Më pas ajo tha se nga e shtuna moti mund të sjellë dhe reshje, ndërsa Shqipëria do t’i shpëtojë një stuhie që do të prekë vendet fqinje si Greqia.
‘’Temperaturat që prej mbrëmjes të së hënës kanë pasur një ulje të ndjeshme Verilindja është prekur fillimisht nga kjo rënie e ndjeshme e temperaturave, ku është shoqëruar me stuhi të fuqishme ere me shjpejtësi maksimumi 170 kilometër në orë. Sot pritet që të shkojnë maksimumi 26 gradë temperaturat në Tiranë dhe në qytete të tjera.
Mëngjesi i nesërm mund të shkojë deri në 2 gradë celsius në zonat lindore, ndërsa gjatë ditës nuk do të ndihet shumë diferenca e temperaturave. Ky lloj qarkullimi sjell kryesisht kushte stabiliteti atmosferik, i kthjellët dhe pa rreshje, të paktën deri të premten. Nga e enjtja deri në të shtunën Greqia dhe Turqia do të përfshihen nga një stuhi ere dhe shiu, po që nuk do të prekë Shqipërinë.
Ajo që është më problematike është rënia e menjëhershme. Të premten dhe në vijim do të kemi një rritje temperaturash. Edhe muaji tetor do të këtë temperatura më të larta sesa tipiket e vjeshtës”, u shpreh Porja.
(E.K/FAXWEB.AL)
Discussion about this post