Pas operacionit të Policisë së Kosovës në veri të Mitrovicës, ku edhe Presidenti Aleksandër Vuçiç vendosi në gadishmëri ushtrinë duke e cilësuar atë si sulm ndaj Serbisë, ultranacionalistët serb kanë protestuar ditën e sotme kundër një festivali që promovon kulturën shqiptare të Kosovës në Beograd.
Dhjetra ultranacionalistë nën thirrjet “Kosova është Serbi” dhe “Nuk do të heqim dorë nga Kosova”, rrethuan qendrën e kulturës në qendër të Beogradit ku po zhvillohej festivali, ndërkohë forcat speciale serbe kanë ndërhyrë për të qetësuar gjendjen.
Protestuesit madje janë përplasur edhe me policinë, ndërsa një politikane ultranacionaliste, Djurdjevic, u shpreh se arsyeja se pse proteston është për të mbrojtur lëvizjen e lirë në qytetin e saj dhe nuk dëshironte që propaganda e Shqipërisë së Madhe të pushtojë zemrën e Beogradit.
“Unë nuk lejohem që të lëviz lirshëm në Kosovë pasi shqiptarët thonë se po shkel një urdhër kushtetues. Këtu ne i mbrojmë ata dhe përsëri unë nuk mund të lëviz lirshëm në rrugët e qytetit tim. Unë nuk dëshiroj që propaganda e Shqipërisë së Madhe të pushtojë zemrën e Beogradit”, tha Milica Djurdjevic, politikane ultranacionaliste.
Festivali, që mbahet prej vitit 2014, titullohet “Mirdita, dobar dan”. Në të prezantohen filma, ekspozita dhe debate që synojnë të afrojnë komunitetin serb me atë shqiptar.
Discussion about this post