“Jam e lumtur që hakmarrja po ecën ngadalë, sepse ti nuk meriton të vdesësh me një plumb”, ka qenë ky reagimi emocionues i aktores Uma Thurman mbi abuzimet seksuale të Harvey Weinstein, raportuar nga ”Daily Mail”.
Uma Thurman ka postuar në llogarinë e saj në ”Instagram” një urim duke nënkuptuar se dhe ajo ka qenë viktimë e manjatit të filmit “Harvey Weinstein dhe komplotistëve të tij të këqinj”.
“Gëzuar ditën e falenderimeve të gjithë. (Me përjashtim të Harvey, dhe të gjithë komplotistëve të tij të këqinj- jam e lumtur që po ecën ngadale sepse ti nuk e meriton një plumb)” shkroi ajo.
Weinstein, themeluesi i ”Miramax” dhe ”The Weinstein Company”, është akuzuar nga shumë gra për abuzime seksuale duke filluar nga ngacmime dhe përdhunime.
“Unë sot jam mirënjohës, të jem gjallë, për të gjithë ata që unë dua dhe për të gjithë ata që kanë guximin që ngritën zërin për të tjerët”, shkruante ylli i ”Pulp Fiction”.
Postimi në ”Instagram” ishte bashkangjitur me një fotografi të Thurman në “Kill Bill”: Vëllimi 2, një film i shpërndarë nga Miramax. Skena e përshkruar në fotografi është ajo ku karakteri i Thurman, Beatrix Kiddo, zotohet të shkojë në një “tërbim hakmarrjeje”.
Weinstein ishte producent ekzekutiv në vazhdim të ”Kill Bill”. Të dy Volume 1 dhe Volume 2 janë shpërndarë nga ”Miramax”.
Kjo nuk është hera e parë që Thurman është shprehur se është abuzuar seksualisht duke nënkuptuar se dhe ajo ishte një nga viktimat e pretenduara të Weinsteinit.
I pyetur se çfarë mendonte për gratë në biznesin e show-it duke folur kundër ‘sjelljeve të papërshtatshme’ në vendin e punës, Uma tha ‘Mendoj se është e lavdërueshme’.
(M.Q/Faxweb)
