I ftuar në studion e FaxNews gazetari Aulon Kalaj ka folur për protestën e opozitës. Kalaja është shprehur se protesta e 13 prillit ka qënë madhështore, por protestuesit janë dhunuar nga Policia e Shtetit.
“Ka qënë një protestë madhështore me dy vendtakime. Por kanë ndodhur veprime të paprecedenta nga ana e Policisë së Shtetit. Ata kanë dhunuar jo vetëm protestuesit por dhe gazetarët apo dhe fotoreporterin që u plagos.
Dua të them që është hedhur një sasi e madhe e gazit kundrejt protestuesve. Janë bërë më shumë se 66 arrestime, sot është bërë një gjyq politik. Aty ka njerëz që qëndrojnë në burg që nga protesta e 16 shkurtit, kjo është e padrejtë.”
Ai ka kujtuar gjithashtu edhe rastin e Dorjan Protoduarit duke e cilësuar si shembull për protestuesit dhe hero.
“Sa i takon Dorjan Protoduarin, Rama po e mban të mbyllur padrejtësisht, ai është një kryefamiljar dhe protestues shembullor. Por ne kemi një polici të kontrolluar nga lartë, kështu që priten këto gjëra.”
Sa i përket përdorimit të sasisë së gazit lotsjellës Kala është shprehur se e gjithë kjo tregon inatin e qeverisë për të ndaluar protesta të cilat jo vetëm që janë të drejta por dhe që nuk mund t’i ndalojë.
“Është vetëm inat i qeverisë. Ajo po kërkon t’i fik me çdo kusht këto protesta. Emrat e të arrestuarve kanë qënë të skeduar. Unë dua tju tregoj gjithashtu diçka të paprecedent, Armando Gecaj i cili mbahet me pranga në shtratin e spitalit.
Ai është keqtrajtuar dhe është mbajtur si një qen nga policia e shtetit. Rasti tjetër është fotoreporteri që ështa plagosur gjatë protestës , i cili ka qënë në krye të detyrës duke shkrepur foto, atij nuk i kanë dhënë ndihmën e parë në ambulancë. Ky fakt nuk është thënë.”
Aulon Kalaja e ka mbyllur fjalën e tij duke u shprehur se arrestimet, apo rastet e paprecedenta të dhunës nuk do I zbehin protestat dhe protestuesit.
“Përkundrazi do jenë më të forta sepse vendi po mbahet me dhunë dhe forcë. Duhet të kuptojmë se diktaturat kanë këtë sjellje me popullin e tij. Qytetarët nuk kanë frikë, dhe protestat do jenë cdo ditë më të mëdhaja. “
https://www.facebook.com/faxweb.al/videos/2610720522491143/
