Deputetja demokrate Dhurata Çupi ka deklaruar në ‘Fax News’ qytetarëve tek Unaza e Re po u vihet në pikëpyetje puna e tyre më shumë se 20 vjeçare që me djersësn e tyre kanë investuar në këtë zonë dhe kanë ndërtuar jetën e tyre.
“Problemi është arroganca e një pushteti totalisht të dhunshëm dhe abuzues me ligjin, janë një grup qytetarësh që u vihet në pikëpyetje gjithë djersa e tyre ndër vite, janë ndërtuar në një vend ku ka patur edhe polici bashkiake edhe urbanistikë, e kanë ndërtuar në sytë shtetit dhe nuk janë ndalur.
Janë me mijëra qytetarë aty që janë në hallin e mbijetesë, shqiptarët e kanë patur gjithmonë të rëndësishme çështjen e banesës. Nga ana tjetër kemi një abuzim të rëndë, kemi një projekt të pakonsultuar, të ndryshuar, abuziv, i pakonsultuar me banorët por edhe nga struktura përkatëse ku ka kritika, por edhe procedura e prokurorimit që janë abuzive”, tha deputetja demokrate.
E pyetur në lidhje me deklaratën e ARRSH se ky projekt ekziston që nga viti 1996, Çupi tha se nuk ka asnjë plan rregullues ku kjo rrugë të jetë zgjeruar nga 36 metra në 60 metra, por halli i qeverisë dhe Bashkisë Tiranë sipas saj është që të bëjnë këtë tendër.
“Nuk ka plan rregullues ku kjo rrugë të jetë zgjeruar nga 36 që është aktualisht në 60 metër, kjo është abuzive, të jep përshtypje që kjo administratë ka pasur më shumë hallin të bëjnë këtë tendër, si në ditët e fundit të një qeverisjeje siç po bëjnë edhe në projekte të tjera, ku efiçenca financiare është zero lekë. Interesi është që të bëhët afera e radhës më se zgjerimi i rrugës’, e cila numëroi një sërë shkeljes që ishin bërë sipas saj në këtë rast.
“Është shkelur ligji për shpronësimet publike , qytetari nuk është njoftuar, nuk ka një vendim nga qeveria që ta ankimojë në gjykatë, i është vënë një kryq aty dhe i kanë thënë që do prishet banesa”, u shpreh ajo.
Çupi iu referua edhe etiketimit të kryebashkiakut të Tiranës i cili deklaronte se “shpellarët nuk do ta pengonin këtë projekt”, Ajo tha se ky fjalor ishte i dhunshëm dhe nuk ndodhte as në vendet diktatoriale.
Fjalori i kryebashkiakut të Tiranës është fjalor i dhunshëm dhe nuk ka shembull në botë, as në vendin më diktatorial”, theksoi deputetja.
Por sipas saj edhe kryeministri Rama ka reflektuar një fjalor të dhunshëm dhe shumë të papërshtatshëm që kur ka ardhur në pushtet.
“Fjalori i Veliajt dhe kryeministrit edhe ministrave në 5 vite është ky fjalor, që nga viti 2013 fjalori i kryeministrit është “ata në burg” “ata janë shpellarë”, “derra”, këto janë fjalimet e tij.
Sa i përket mënyrës se si do të vijojë problemi i banorëve të Unazës së Re, deputetja demokrate tha se shpreson tek një reflektim i qeverisë, që të mos shkohet në një situatë dramatike. (B.H/Faxweb)
